དད་མོས་ལྡན་ན་འཚོ་བའི་ནང་དུ་ཡང་ངོ་མཚར་བའི་བྱུང་བ་འབྱུང་སྲིད།
ལེའུ་བརྒྱད་པ།
ལྟ་ཚུལ་གྱིས་འཇིག་རྟེན་དུ་འཚོ་ཚུལ་ལ་འགྱུར་བ་གཏོང་ནུས།
ནམ་ཞིག་མི་ལ་དད་མོས་མི་ལྡན་པ་དེའི་ཚེ་ཀུན་སྤྱོད་ཀྱི་འཆིང་ཐག་རིས་སུ་བོར་ནས་བྱས་ཚད་བསྒྲུབས་ཚད་ཀྱང་ཤིན་ཏུ་འཇིགས་སུ་རུང་བ་ཞིག་ཏུ་འགྱུར་འགྲོ་ཞིང་། གལ་སྲིད་དད་མོས་ལྡན་པའི་དབང་དུ་བཏང་ན་བསམ་ངན་རྒྱུད་ལ་སྐྱེ་སྐབས་དེའི་གཉེན་པོ་བརྟེན་ནུས་པ་དང་། དེས་ཚེ་འདི་སྣང་ལ་དགའ་སྤྲོ་འོང་བར་ཕན་ཐོགས་ཡོད་པ་མ་ཟད་ཚེ་རབས་ཀུན་གྱི་ཐར་པ་ལ་ཡང་དོན་
སྙིང་ཤིན་ཏུ་ཆེན་པོ་ལྡན།
གནའ་བོའི་དམ་པ་གོང་མས་སྐྱེ་བ་སྔ་ཕྱི་ལ་ཁས་ལེན་བགྱིད་པ་མ་ཟད་ཉེ་རབས་མིའི་རིགས་ལ་མཛད་རྗེས་ཕུལ་དུ་བྱུང་བ་བཞག་པ་དང་ལོ་རྒྱུས་ལ་སྐུལ་འདེད་ཀྱི་ནུས་པ་ཐོན་པའི་ཚན་རིག་པ་མཁས་ཆེན་ཕལ་མོ་ཆེས་ཀྱང་ལྷ་བ་འདི་དང་དུ་ལེན་པ་རེད།
དཔེར་ན་ཨ་རིའི་རྩིས་རིག་པ་ཧྥེ་རོ་པོས་འདས་པའི་མི་ལོ་སུམ་བརྒྱའི་རིང་དུ་བྱུང་བའི་ཚེས་སྐད་གྲགས་ལྡན་པའི་ཚན་རིག་པ་སུམ་བརྒྱའི་དད་མོས་ལ་ཞིབ་འཇུག་བྱས། ཞིབ་འཇུག་གྲུབ་དོན་ལས་ཆེས་སྐད་གྲགས་ལྡན་པའི་ཚན་རིག་པ་སུམ་བརྒྱའི་ནང་ནས་༣༤ལ་ཆོས་ལུགས་ཀྱི་དད་མོས་ལྡན་པ་དང་། ཆོས་ལུགས་ལ་དད་མོས་མེད། ༣/༨ ཀྱིས་ཆོས་ལུགས་ལ་སྣམ་འགྱུར་ཅི་ཞིག་འཛིན་དགོས་པ་ལ་གཏན་ཁེལ་མི་འདུག་པ་བཅས་མཐོང་། སྐད་ཆ་གཞན་ཞིག་གིས་བཤད་ན་བརྒྱ་ཆ་གོ་གཉིས་ཟིན་པའི་ཚན་རིག་པ་ལ་ཆོས་ལུགས་ཀྱི་དད་མོས་ལྡན་ཞིང་ཁྱད་པར་དུ་ནོ་སྒྲིལ་གཟེངས་རྟགས་འཐོབ་མཁན་གྱི་ནང་ནས་ཆོས་ལུགས་ལ་དད་མོས་ལྷན་པའི་ཚན་རིག་པས་བརྒྱ་ཆ་༩༧%ཟིན་འདུག ཚེ་རིའི་གསར་གཏོད་ཀྱི་རྒྱལ་པོ་ཨེ་ཛི་ཤིན་བྱ་བ་ཡང་ཆོས་ལུགས་ཀྱི་དད་མོས་ཞུགས་དྲག་ལྡན་པའི་ཚན་རིག་པ་ཞིག་ཡིན། ཁོས་དངོས་བརྟག་ཁང་དུ་རྡོ་རིང་ཞིག་བསླངས་པ་དང་དགེ་ལུང་དུ་ཀུན་མཁྱེན་པ་དང་ཀུན་ནུས་པ་དང་དངོས་པོ་ཐམས་ཅད་ལ་ཁྱབ་པ་དང་ཆེས་བླ་ན་མེད་པའི་ལྟ་ཞིག་ཡོད་པར་ང་ལ་ཡིད་ཆེས་ཟབ་མོ་ཡོད་ཅེས་བྲིས་ཤིང་། ཁོའི་མི་ཚེ་གཅིག་ཏུ་གསར་དུ་བཏོད་པ་ལ་སྣ་ཁ་སྟོང་ཕྲག་གཉིས་ལྷག་ཡོད་ཀྱང་དད་མོས་ཀྱིས་ཁོའི་གསར་གཏོད་གྱི་ལས་གཞི་ལ་གེགས་སུ་མ་གྱུར་པ་མ་ཟད་ལྡོག་སྟེ་གནད་དོན་ཐག་གིས་མི་ཆོད་པ་ལ་འཕྲད་སྐབས་ལྷ་ལ་གསོལ་བ་འདེབས་པ་ནི་སྟོབས་ཤུགས་ཀྱི་འབྱུང་ཁུངས་ཤིག་ཡིན་ཞེས་འདོད་པ་
རེད།
ད་དུང་གནམ་རིག་པ་གྷ་ལི་ལེ་ཡིས་ཐོག་མཐའ་བར་གསུམ་དུ་ཆོས་ལུགས་ཀྱི་དད་མོས་དང་ཚན་རིག་གི་བསམ་བློའི་བར་དུ་འགལ་བ་མེད་པར་བཞེད། ཁོས་རྒྱང་ཤེལ་ལ་བརྟེན་ནས་ཉི་མའི་ནག་ཐིག་དང་གཟའ་ཕུར་བུའི་སྲུང་སྐར་དང་ཟླ་བའི་སྟེང་གི་རི་རྒྱུད་མཐོང་རྗེས་དགའ་མགུ་ཆེན་པོར་གྱུར་ཏེ་འདི་སྐད་དེ་ང་རང་ཧང་སངས་སོང་། ངས་ལྷ་ལ་ཚད་མེད་པའི་སྒོ་ནས་བཀའ་དྲིན་ཞུ། ཁོང་གིས་ང་ལ་ཐབས་བརྒྱ་ཇུས་སྟོང་གིས་རླབས་ཆེ་ཞིང་དུས་རབས་དུ་མར་གསལ་བོར་མ་ཤེས་པའི་བྱུང་བ་འདི་དག་ཤེས་སུ་བཅུག་སོང་ཞེས་བྲིས་པ་རེད་འདུག
ནམ་ཞིག་མི་ལ་དད་མོས་མི་ལྡན་པ་དེའི་ཚེ་ཀུན་སྤྱོད་ཀྱི་འཆིང་ཐག་རིས་སུ་བོར་ནས་བྱས་ཚད་བསྒྲུབས་ཚད་ཀྱང་ཤིན་ཏུ་འཇིགས་སུ་རུང་བ་ཞིག་ཏུ་འགྱུར་འགྲོ་ཞིང་། གལ་སྲིད་དད་མོས་ལྡན་པའི་དབང་དུ་བཏང་ན་བསམ་ངན་རྒྱུད་ལ་སྐྱེ་སྐབས་དེའི་གཉེན་པོ་བརྟེན་ནུས། དེས་ཚེ་འདི་སྣང་ལ་དགའ་སྤྲོ་འོང་བར་ཕན་ཐོགས་ཡོད་པ་མ་ཟད་ཚེ་རབས་ཀུན་གྱི་ཐར་པ་ལ་ཡང་དོན་སྙིང་ཤིན་ཏུ་ཆེན་པོ་ལྡན།
དོན་དུ་ནང་པ་སངས་རྒྱས་པའི་ཆོས་ལས་བསྟན་པའི་སྐྱེ་འཆིའི་གནད་དོན་འདི་དག་ད་སྐབས་ནུབ་ཕྱོགས་རྒྱལ་ཁབ་ཁག་ཏུ་ཤིན་ཏུ་མཐོང་ཆེན་པོ་བྱེད་བཞིན་འདུག དཔེར་ན་ནུབ་ཕྱོགས་ཀྱི་སེམས་ཁམས་རིག་པ་བ་ལྗོན་གྱི་ཡིས་མི་ལོ་བཅུ་ཕྲག་དུ་མར་བར་དོ་ཐོས་གྲོལ་ཆེན་མོ་ལུས་དང་འབྲལ་མེད་དུ་ཁྱེར་ནས་རང་ཉིད་ཀྱི་རྟག་ཏུ་མི་འགྱུར་བའི་མཛའ་བོ་ལྟ་བུ་བྱས།ཁོས་བློ་འབྱེད་རང་བཞིན་གྱིས་ཕྱུག་པའི་བསམ་བློ་དང་གསར་མཐོང་མང་པོ་ནང་ཆོས་ཀྱི་གཞུང་དེ་ལས་བྱུང་བར་འདོད་ཅིང་སྤྲོ་སེམས་འཁོལ་བའི་ངང་ནས་དེབ་འདི་ཧྲི་རེ་དྲི་དང་ཨེན་
སི་ཟིན་ལ་སོགས་པའི་རིག་རྩལ་མཁས་ཆེན་རྣམས་ལ་མཚམས་སྦྱོར་བྱས། ཡིན་ཡང་ད་ལྟའི་མི་ཧ་ཅང་མང་པོས་སྐྱེ་བ་སྔ་ཕྱི་རྨོངས་དད་མཐར་ཐུག་པ་ཞིག་ཏུ་བརྩིས་ནས་རིས་སུ་འབོར་བའི་རྣམ་པས་ཀུན་ཏུ་རྒྱུ་ཞིང་སྤྱོད་པ་དང་། འདི་འདྲའི་ང་རྒྱལ་གྱི་རྣམ་འགྱུར་འཆང་བའི་མི་དེ་དག་མཁས་པ་སྔོན་མ་རྣམས་དང་བསྡུར་ན་དངོས་གནས་གནམ་ས་ལྟ་བུའི་བར་ཁྱད་ཡོད་དོ། །